¿E se Mugardos e Ares se fusionasen? (Edición 2007)

Extrapolando os resultados das mesas de Ares e Mugardos ao noso virtual Concello de Bezoucos atopámonos coa continuidade do pacto PSdeG - BNG, agora sen a necesidade matemática de incorporar a EU-IU. Desaparecerían os Independentes de Mugardos e Nueva Alianza de Ares non chegaría ao 5% mínimo para obter a representación do pleno.
Seguíame picando a curiosidade e sumei os votos dos dous partidos escindidos do PP (Nueva Alianza e Acción por Mugardos) e dos dous partidos independentes (Independentes por Mugardos e UPAres). O resultado sería PSOE 5, PP 5, BNG 4, Independentes 1, EU-IU 1, Escindidos 1.

Aquí os resultados de Bezoucos no 2003.

27M: O voto dos 100 €

Alguén pensou que o traballo da xente da mesa e interventores varios (este ano máis que nunca) ben valía unha paga :)

Nota: ben, falando formal, foi un despiste dunha señora que levaba no bolso dous sobres e meteu na urna o que non era. Non vos preocupedes que regresaron á súa dona.

27M: Resultados

As análises fágoas máis tarde, que agora non dou... ;)

27M: Listas paritarias

E velaí tendes as primeiras listas da "Era Igualitaria", ou pre-igualitaria, que aínda queda moito camiño por andar. Pero xa é un avance se as comparamos coas listas do 2003. Malia todo, segundo a miña porra non haberá máis de 4 mulleres na vindeira corporación.
Só unha candidatura (IU) presenta como cabeza de lista a unha muller, ademais de aplicar a famosa "cremalleira". Só dúas candidaturas (BNG e AM) levan a unha muller no segundo posto. Só dúas candidaturas (IU e PP) aproveitan a norma do 40%-60% no primeiro tramo de 5 en favor das mulleres. E finalmente, só unha candiatura (IpMU) apura a mesma norma para colocar nos tres primeiros postos a tres homes e proclamarse "Candidatura menos igualitaria das igualitarias".

27M: O censo

E velaí os datos da Oficina del Censo Electoral para Mugardos dende xaneiro de 2002, que nos descobre unha sorprendente caída en picado no 2003 das persoas censadas no concello e un tamén curioso ascenso daqueles que votarán aquí pero marcharon ao estranxeiro durante o bienio 2003-2004. A planta de gas non contivo a caída.

27M: Abstencionismo

Atopámonos ás portas dunhas eleccións municipais que xa presentan números de récord: 45 mulleres e 53 homes do concello forman parte dalgunha das seis candidaturas que onte fixo oficiais o Boletín Oficial da Provincia. Poderíanos facer pensar nunha grande participación, inda que o listón do 2003 está moi alto (72,3%). Polo momento xa saltaron as primeiras estatísticas.

O foro de Mugardos

No foro «Mugardos en Internet» nótase que se achegan as eleccións.

Nota: A escala da esquerda fai referencia ao número de visitantes e accesos (falamos de milleiros ao mes). A da dereita atende á cantidade de mensaxes (habería que ter en conta que dous ou tres á semana son mensaxes-spam que elimino en canto detecto).

27M: Posicionamento ideolóxico

Interesante test este que me descubren os compañeiros de Chuza!. Confírmanse as miñas sospeitas: "En la escala tradicional de izquierda a derecha, siendo 0 la extrema izquierda y 10 la extrema derecha, estimamos que tu posición es aproximadamente 2.05. En la escala liberal libertaria, siendo 0 el máximo colectivismo y 10 el máximo individualismo, estimamos que tu posición es aproximadamente 4.5. En general, estimamos que la etiqueta ideológica que mejor describe tu forma de ver la realidad política y económica es: Socialdemocracia."

¿E ti de quen ves sendo?

27M: Tendencias electorais

Non profundarei demasiado en análises porque cada quen fará a súa lectura. O que si me chama a atención desta gráfica é que parece claro que as do 2003 foron as eleccións máis igualadas que se teñan celebrado en Mugardos. Para o BNG son tempos de viño e rosas. Para os demais calqueira tempo pasado foi mellor.