Ela tamén é mugardesa (e perdeuse)

Esta gatiña taaaaaan bonita andaba hoxe perdida polo medio da estrada fronte ao Concello. Deixouse coller, ule ben e tiña un pouco de fame que xa non ten porque a trouxen para a casa. Non é de raza común... así que agardarei a que o dono ou dona a reclame antes de que lle colla (máis) cariño. Poden contactar por correo (artritris@hotmail.com). ¿Que nome lle poñemos mentres tanto?

Actualización: xa apareceu a dona (ah, e ao final era gato).

Ela tamén é mugardesa

Algo lle chamaba a atención que andaba á espreita.

Ela tamén é mugardesa

El tamén é mugardés

Preséntovos ao paporrubio máis coqueto de toda a volta. ¡Que gusto polos flashes! ¡Que xeito de chupar cámara, miña nai querida! Nunca vin cousa á maneira. De Mugardos tiña que ser.

Eles tamén son mugardeses

Da mesmiña Fontegrande :)

Kay tamén é mugardés

Prégovos informedes ao dono se atopades este can pola volta. Escapou o domingo 3 da súa casa. El tamén é mugardés.

Actualización: Xa podedes durmir tranquilamente. Kay apareceu! ;)

El tamén é mugardés

Xa vos tardaba, non o neguedes :)

"Num buraquinho da parede lá de casa,
tinha um grilinho que fazia cri cri.
Minha mulher gostava muito d'ouvir,
a cantiga do grilo e não me deixava dormir."

(Soa de fondo O Grilinho de Quim Barreiros)

El tamén é mugardés

Ou cando menos, veu pasar o verán por estes lares, porque polo nome (Leptinotarsa decemlineata) de Meá non é.

Eles tamén son mugardeses

Como estamos en días de calor e festa, aí vo-lo deixo:

Ay...
Me sube la bilirrubina
¡ay! me sube la bilirrubina
cuando te miro y no me miras
¡ay! cuando te miro y no me miras
y no lo quita la aspirina
¡no! ni un suero con penicilina
es un amor que contamina
¡ay! me sube la bilirrubina

Segue sendo mugardés :)

Non sei por donde se colou, pero colouse, e xa sabedes como son os paxaros nestes casos: tolean e turran contra as fiestras. Este non foi menos e levou un hostiazo que non o quería para min. Pensei que me morría porque era peso morto e abría o pico como se lle faltase a vida, pero os da vila sómosche duros de carallo e 5 minutos de mimos máis tarde xa o tiñades en rampa de lanzamento. Quedamos de vernos para a Festa do Polbo e botarlle unhas :)

¿Tamén será mugardés?

A min con esas plumas tan modernas tenme máis pinta de vir da capital.

Ela tamén é mugardesa

Facía bo día para as fotos e as gaivotas poñíanse a tiro.

El tamén é mugardés

Ela tamén é mugardesa

¡Como lle gusta a cámara á condenada!

Marela mugardesa

Si, si, ela ven sendo da parte da Seaña, parroquia de Mugardos. Faltaría máis.

El e ela tamén son mugardeses

Cabalo e pega, pega e cabalo. Máis concretamente veñen sendo da parte de Boado. El no inverno non pasa frío.

Ela tamén é mugardesa

Xa coñecedes a historia de Seixo, a foca de capelo (Cytstophora cristata) que apareceu no lugar do mesmo nome. O 18 de agosto a SGHN e a CEMMA liberábana en Marín. Ela, por suposto, dende agora tamén é mugardesa.
Graciñas a Lolo pola foto.

El tamén é mugardés

Graciñas ao meu gran amigo Jorge Rabina por tan fermosa foto dun macho de vacaloura (Lucanus cervus) autóctono.

Si, efectivamente, de Mugardos tamén

Xa me quedan poucas destas, paciencia.

O munxe corcobado

Pois si, o munxe ten a espiña torta. Pobriño, andaba tan a modo... Din con el porque me avisou un madrileño que quería pescalo cunha técnica un tanto torpe. Había de saberlle bo cocido...