Supoño que é inevitable falar estes días de política. Poñámonos logo, pero démoslle como sempre ese toqueciño local, razón de ser deste blog. Velaí tedes os datos históricos das catro principais formacións políticas de Mugardos en eleccións ao Congreso dos Deputados, obtidos da web do Ministerio del Interior. O visitante foráneo sorprenderase do pouco representativos que somos do conxunto do país (tradicional maioría abafante do conservadorismo). Diríase incluso que andariamos máis preto do "concello-tipo" do Estado, cun PSOE tradicionalmente maioritario ata o "aznarato", un PP en incesante ascenso ata o pasado 14M, unha IU de comezos sorprendentes pero vida a menos e un BNG en continuo crecemento ata a extraordinaria polarización do voto das últimas eleccións xerais (polarización que non pareceu afectar do mesmo xeito a IU).
O vindeiro capítulo de hoxe en 10 días. ¿Como o vedes?
Ningún comentario:
Publicar un comentario