Mugardeses ilustres: Damián Alonso

A gastronomía pode que sexa a principal fonte de satisfaccións para a xente de Mugardos: motor económico, suxeito de prestixio crecente (comprobade como o polbo á mugardesa chegou á cociña malagueña), e berce de profesionais da hostalería. Damián Alonso é hoxe por hoxe un dos principais embaixadores da cociña galega alén do Atlántico. Unha reviravolta da historia que fai que agora sexamos nós os que exportemos productos desta terra.