Derrapando na ría

¿Algunha vez viches un gaseiro facendo trompos?

Colleita do 77

Esta é unha convocatoria a tódolos que, nacidos no 1977, pasamos a nosa infancia no patio de recreo do «Unión Mugardesa». Nós, a Colleita do 77, chamamos a filas a toda a quinta nun brinde dos que a meirande parte son sabedores da súa xestación. Hoxe si, hoxe o brinde ten día, hora e lugar. Se ti que les isto non és da miña quinta, pero coñeces a alguén dela, por favor, faillo saber. Non pode faltar ninguén!

400 metros

Recibo o mércores 27 de xuño, na sobremesa, unha chamada ao teléfono da casa. Do outro lado unha voz de muller pídeme 5 minutos para respostar a unhas preguntas. Na primeira delas quere coñecer o que para min son os tres principais problemas de Mugardos: "o primeiro a planta de gas". Tivo a súa graza, porque a partir de entón o resto das preguntas estaban claramente direccionadas para obter as respostas desexadas, sen moita marxe para as posturas críticas: que se coñezo o plan de emerxencia de Reganosa, que se a planta de gas creará postos de emprego, que se creo que Galicia precisa dunha industria deste tipo... Pregúntolle para quen é a enquisa e contéstame que ela non o sabe. De risa. Imaxínoo, inda que tanto me ten, había de contestar o mesmo. Pregúntolle entón se se vai interesar sobre o que opino da entrada e saída de buques cargados de GNL na ría, ou sobre o sistema de regasificación con 300.000 m³ diarios de auga do mar. Non, claro. Con todo, a conversa con ela é cordial. É unha curranta, así que facilítolle o traballo e procuro perder o menor tempo posible, que eu tamén teño presa. Ao final unhas pequenas confidencias en off e un "moitas grazas". Falaba galego.
Hoxe aparece na prensa que a Consellería de Presidencia vai aprobar en breve o plan de emerxencia exterior de Reganosa. Entón xorde a dúbida ¿Como carallo me preguntan se coñezo un plan que aínda non existe? E non será por non terllo pedido por escrito ao Alcalde.
Estase a comentar polo pobo que a enquisa fixéronlla aos veciños que vivimos nas proximidades da planta de gas e que incluso nalgúns fogares quixeron sondar a opinión de varios membros. Todo moi natural...
P.D.: Abstéñanse de enviarme correos coaccionantes. Dame a risa con eles.
P.D. 2: O que vedes representado na imaxe de satélite é o límite que marcan os 400 metros "de seguridade" respecto do perímetro de Punta Promontorio. Non son "unha ou dúas casas" precisamente...

30...

Podiades ter un detalle... ;)

Concelleiras

E velaquí está a que dende hoxe xa é a representación máis numerosa de mulleres na Historia do Concello de Mugardos: Anxos Díaz Prados (BNG), Begoña Gómez Díaz (PP), África Pérez Filgueiras (PSdeG-PSOE), Pilar Díaz Otero (EU-IU) e Carolina Cruz Fernández (BNG). Parabéns e moita sorte a todas.

Segue sendo mugardés :)

Non sei por donde se colou, pero colouse, e xa sabedes como son os paxaros nestes casos: tolean e turran contra as fiestras. Este non foi menos e levou un hostiazo que non o quería para min. Pensei que me morría porque era peso morto e abría o pico como se lle faltase a vida, pero os da vila sómosche duros de carallo e 5 minutos de mimos máis tarde xa o tiñades en rampa de lanzamento. Quedamos de vernos para a Festa do Polbo e botarlle unhas :)

Polbo á mugardesa

Loita Gran Reserva

Permítaseme lembrar que o Comité Cidadán de Emerxencia pola Ría de Ferrol leva loitando pola legalidade 8 anos. Quen esto escribe xa firmou grazas a eles alegacións á pranta de gas fai 7 anos como presidente da Asociación Cultural Bezoucos. Compre telo en conta nestes días nos que moita xente esperta sorprendida ao problema de Reganosa e pensa (grazas ao silenciamento de pseudomedios de comunicación como La Voz) que o movimento cidadán comezou coa chegada dos gaseiros.

Liberdade para Bastida, Planta de Gas Fora da Ría

¿Tamén será mugardés?

A min con esas plumas tan modernas tenme máis pinta de vir da capital.