25/05/11

22M: ¿Todos contentos?


O BNG é por terceira vez consecutiva o partido máis votado en Mugardos. O PP recupera posicións cunha candidatura renovada e apunta ao futuro. EU é quen máis medra (case un 70% máis de votos que no 2007). O PSOE, malia baixar do 17% o seu chan electoral, ten a chave do goberno. E Mugardos na Esquerda queda fóra do Pleno, mais os resultados no Seixo (onde se colocou á par de EU e PSOE) danlle azos para continuar un proxecto que asegura "vir para ficar".

Xa pero, ¿agora que?


Onte dixen:

Agora agardar as longas sesións de debate interno e negociacións a dúas bandas. Por un lado, o BNG tentará gañar o favor do PSOE para poder manter fiel a súa nova base militante (traballadores/as ocasionais do Concello, membros de Protección Civil) e que Xosé Fernández Barcia non marche á oposición por vez primeira na súa carreira política.
Pero o nacional-catolicista ten moi poucas posibilidades de recuncar. EU garantiu que o seu voto non faría a Barcia Alcalde, e os resultados do 22M deixaron nas súas mans o futuro de BNG e PP, xa que un hipotético pacto BNG-PSOE podería facer que EU investise a Juan Domingo (PP) como alcalde.
A decisión do PSOE será determinante. Se sospeita que a promesa de EU era un farol pode tentar o achegamento ao BNG para formar un goberno de 6 fronte a 7 (dos dous que perden apoios fronte aos dous que os gañan). Se EU se mantén firme, daquela o PSOE terá que escoller entre entrar nun goberno de coalición EU-PSOE ou marchar á oposición, forzando a EU a un acordo dos chamados anti-natura co PP. Esa é a forza do PSOE e a que durante as vindeiras semanas lle permitirá negociar con forza un posible bipartito.
As opcións do PP pasan pola ruptura de negociacións entre Pilar Díaz e Carlos Fernández. De acontecer así, Juan Domingo de Deus podería ser o Alcalde de Mugardos grazas ao apoio que EU lle concedería para evitar a continuidade de Xosé Fernández Barcia.
Mais podería haber unha última posibilidade para un acordo BNG-PSOE: a renuncia de Xosé Fernández Barcia á súa acta de concelleiro debido ao veto de EU. O liderado nacionalista recaería en Xosé Antón Bouza, quen tentaría desbloquear a posición de EU, que evitaría así a repercusión mediática (a nivel estatal, incluso) que tería un acordo co PP dificilmente entendible no contexto actual lonxe de terras mugardesas e que danaría moito a imaxe da coalición liderada por Cayo Lara. Pero iso depende de se o veto de EU recae en Xosé Fernández Barcia ou afecta a todo o BNG.
A solución menos ruidosa é, con claridade, a do bipartito EU-PSOE. Todo depende deles.

Mais cometín un erro ao barallar as hipóteses, xa que non tiven en conta a necesidade de obter a maioría absoluta (7 votos) calquera candidatura que non fose a lista máis votada. Ou o que é o mesmo: se non hai acordo entre (alomenos) PP e EU o BNG continuaría gobernando como lista maioritaria. E ese acordo PP-EU pode pasar ben por un simple acordo para que EU facilite a investidura de Juan Domingo (máis presumiblemente sen entrar en co-goberno) ben por un acordo para que o PP facilite a investidura de Pilar Díaz e esta co-gobernar co PSOE. O que si semella dificil de evitar é que o goberno municipal nos vindeiros 4 anos continúe sendo feble, como o é dende a ruptura do pacto BNG-PSOE no 2005 que deixou ao BNG gobernando en solitario con 4 edís.

38 comentarios:

  1. De principio e sen entrar noutro tipo de valoracións que corresponden máis directamente ás organizacións políticas posto que ademais son as que decidirán, penso que, tendo en conta os iniciais resultados da enquisa actual deste blog, e tamén a efectuada con anterioridade, todo parece indicar que as preferencias das persoas que participan activamente neste blog prefiren un goberno municipal EU-PSOE.

    De todos os xeitos penso tamén que depende máis que nada da responsabilidade e vontade política do PSOE de Mugardos , tendo en conta sobre todo que teñen experiencias suficientes para facer unha valoración acertada .

    ResponderEliminar
  2. A decisión do PSOE non é determinante, porque a elección do/a alcalde/sa ten que ser por maioría (7 votos). De non obter ninguén esta maioría, sería alcalde quen encabezou a lista máis votada nas eleccións do 22M (X. Fdez. Barcia). Polo tanto, quen ten a chave do goberno municipal é EU e as opcións son facilitarlle o goberno ao PP ou presionar unha renuncia de Barcia como Alcalde e que accedese ao cargo a nº2 do BNG, Mónica Fernández. Persoalmente, coido que esta última é a opción máis razoable.

    ResponderEliminar
  3. Certo, certo, cometín un erro ao non ter en conta a necesidade de 7 votos para investir alcalde. En canto teña tempo correxirei esta entrada.

    Agora, a renuncia de Barcia como Alcalde non ten por que implicar que sexa Mónica Fernández a alcaldesa. Iso é algo que terían que decidir os propios membros do BNG, que serían Mónica, Bouza, Roca e Tania. E aí os galóns levaríaos Bouza, sen dúbida.

    ResponderEliminar
  4. Estou totalmente dacordo co que dis sobre o relevo de Barcia.Chegados o punto de que, para facilitar un governo de esquerdas, Barcia renuncie,( cousa que dubido, coñecendo ó personaxe), bouza non vai deixar escapar a ocasión que ten de ser Alcalde.Algo que leva soñando moito tempo.
    Unha boa nova sería que os tres partidos de esquerdas acadasen un acordo de governo, que, polo feito de ser tripartito, non tería por que ser malo.De non ser así, e se EU fai alcalde a Juan Domingo, penso que imos ter PP en Mugardos para uns cantos anos.

    ResponderEliminar
  5. Pois eu non creo que teñamos PP para rato en Mugardos, Daniel. Cunha verdadeira rexeneración do BNG que o reconvirta nun partido de esquerdas, ou directamente, coa desaparición do BNG como tal e o xurdimento dunha alternativa nacionalista seria, nin personalista nin caudillista, capaz de chegar a acordos coas demais forzas progresistas, a dereita (ou centro-dereita, para non ferir sensibilidades) en Mugardos ten nulas posibilidades de obter 7 concelleiros por si mesma. Alomenos aínda no 2015.

    ResponderEliminar
  6. Cun acordo no que EU dalle o seu apoio ao PP na investidura, os comunistas poden estar seguros de que, co seu voto, algún merca un salario para catro anos..
    Tamén algún nacionalista cabreado supoño que estará moi contento de que co seu "voto útil" goberne a dereita, sendo os resultados 9 de 13 concelleiros de esquerdas.
    Se esto é política, algún entende a política de un xeito moi particular, por non decir, estrictamente persoal.

    ResponderEliminar
  7. ¡Manda carallo! ¡Agora o barcianato era un goberno de esquerdas!

    Amigo Anónimo, se hai verdadeira intención de rexenerar a esquerda, esta non pode ficar secuestrada por personaxes baltarianos que erguen hipocritamente a súa bandeira. Produce rubor que alguén que coñeza minimamente a xestión diaria da cousa pública mugardesa se atreva a sumar 9 concelleiros progresistas.

    Faime un favor: noméame 3 valores fundamentais da esquerda dos que poida gabarse o goberno saínte. E logo seguimos falando.

    ResponderEliminar
  8. Estou dacordo con Artritris, definir ó goberno saínte coma de esquerdas, sería case que un pecado,( con perdón).
    Eu sigo pensando que na teoría un goberno psoe, bng, iu, non tería por que ser malo.Pero tamén, e recollendo un comentario, zecais unha pasadiña polo diván, para reflesionar, non viria mal a alguns do bng.Por suposto, o pesoe ten que facer lago mais que reflesionar, polo menos en Mugardos. e si non que expliquen que fixeron nestres ultimos catro anos.
    Un alcalde do pp, cos votos de iu, non ten por que ser unha catastrofe.Aqui estamos a falar de xestión municipal, non de aprobar leis ou decretos. E si falamos de xestión, dende logo a do goberno de Barcía mais ben foi nula.

    ResponderEliminar
  9. Artritris, ti estiveches anos no BNG, dou por sabidos non só 3, senon 25 argumentos progresistas.
    Daniel, se hai algún "pecado" político será o apoio de EU o PP; Iso é mais que pecado, é para ir o inferno ideolóxicamente falando.
    Artritris e Daniel, penso que confundides persoal e político. Non penso que Barcia sexa o BNG, nin que EU sexa Pilar, nin Juan Domingo o PP. As siglas teñen unha historia de loita e de sacrificio, e están por riba das persoas.Hai que respetalas.SEMPRE.

    ResponderEliminar
  10. O que eu che pido son 3 valores fundamentais da esquerda dos que poida presumir o goberno 2007-2011 dirixido por Xosé Fernández Barcia.

    Iso e os meus anos de militancia no BNG, nos que formei parte dunha masa crítica que tentou reconducir o rumbo ata ser vilipendiada, sonche cousas ben distintas.

    ResponderEliminar
  11. A xestión 2007-2011 do BNG en Mugardos xulgouse o domingo 22 nas urnas, como corresponde en democracia.

    No que se refire os princípios, o último que me faltaba por escoitar e que a rexeneración da esquerda pase por votar ao PP.

    ResponderEliminar
  12. Pero como é posible que os responsables locais do PSOE de Mugardos pretendan formar un goberno de concentración no que se supón estaría o BNG que no exercicio de goberno destes últimos anos demostrou na práctica diaria unha falta absoluta de coherencia e respecto co que debera ser unha cultura política municipal democrática en todas as súas vertentes : na vertente política pola falta de transparencia, participación, diálogo , consenso, etc. , e no comportamento cívico e persoal polas frecuentes mentiras, insultos e descualificacións que en moitos casos gardan as hemerotecas e os propios Libros de Actas do Concello.

    Eu só atopo unha explicación : , que estivesen totalmente ausentes da realidade política e social durante todo este tempo ou, o que sería peor, que perderan interesadamente a memoria máis recente.

    ResponderEliminar
  13. As urnas do día 22 emitiron xuízo de xeito cuantitativo, non cualitativo. Do número de votos non se extrae en ningún caso que o BNG practicase unha política de esquerdas.

    E non só non o fai, senón que defendo que o 22 o BNG gañou moitos votos pola dereita e perdeu moitísimos máis pola esquerda. Tantos, que o balanzo final foi de -294.

    Non teño fórmulas máxicas para a rexeneración da esquerda, pero o que quedou demostrado tras dunha ocasión inmellorable é que a rexeneración nunca chegará dende posicións de goberno.

    ResponderEliminar
  14. Non podo compartir a tua lectura sobre qué xulgan as urnas. “Un home, un voto” significa o mesmo para calquera opción elexida, en cantidade e calidade.

    E non entendo o teu razoamento da fuga de votos do BNG pola esquerda. A menos que os que cambiaron o voto deixasen tamén de ser nacionalistas.

    ResponderEliminar
  15. En definitiva que estaríais encantados que en Mugardos gobernase el PP con el apoyo de IU.

    Resulta gracioso ver como el conjunto de personas que criticais prácticas "no de izquierdas" esteis dando sentido al apoyo de IU al PP.

    ¿Os habeis preguntado si Mugardos va a entender que IU apoye al PP?

    Personalmente creo que el problema de los partidos de izquierdas de Mugardos es que os pierden los personalismos y las peleas entre "representantes" que se dedican a la política como profesión o que desean dedicarse pero su partido no los coloca en las primeras posiciones y se van.

    Chicos la historia se repite y esto me recuerda a muchos ayuntamientos gallegos. Quizás debería aparecer otro partido más en Mugardos que realmente represente los valores de la izquierda y ya irían...5

    La derecha presenta 1, no gana y encima se llevará con el apoyo de un partido comunista el gato al agua... vaya tela.

    Sinceramente ver los comentarios que leo a veces en este blog (otras veces están muy bien) me ayuda a entender porque la gente no vota a los partidos de izquierdas.

    ResponderEliminar
  16. É unha grande disxuntiva, si. Mais hai que escoller: alternancia política para provocar a rexeneración na esquerda, ou continuidade dunha esquerda nominal, que non real para frear á dereita... de fóra.

    Vaiamos por partes:
    1. De provocar unha alternancia política co pacto (da forma que for) entre EU e PP, PSOE e sobre todo BNG veranse na obriga de replantexarse a práctica política dos últimos anos. A do BNG, fundamentalmente a do seu cabeza de lista, estivo nas antípodas dun valor fundamental da esquerda como é o asemblearismo, tamén da transparencia e tamén da participación interna e externa ao BNG. A ocultación de información foi reiteradamente denunciada polos partidos da oposición. En clave interna, outro tanto do mesmo. O personalismo, retratado fielmente nunha carta avergoñante dirixida aos veciños das Casas Baratas (aquí), onde o Alcalde se presenta como "o fillo da Cazona", é indigno xa non da esquerda, senón de calquera cargo político. O uso partidista de recursos públicos como a web institucional tamén é intolerable para a cidadanía honesta. Xa por non entrar a cruzar nomes de traballadoras/es eventuais no Concello e afiliadas/os de última hora ao BNG, ou de traballadores municipais limpando fincas privadas en horas de traballo, ou de estranos repartos das subvencións municipais, nunca xustificados malia as preguntas da oposición. O panorama para un votante de esquerdas é desolador, hai que vivilo día a día para ser conscientes da magnitude que terían outros catro anos máis con este individuo á fronte do Concello. Ao lonxe todo parece cuestión de siglas, claro. Mais desde este recuncho é inevitable pensar que, se cadra, hai que dar un paso atrás para poder dar dous adiante.

    2. ¿Que pensará Mugardos dun pacto EU-PP? Ben, habería que saber que é o que pensan os votantes de EU e PP. EU declarou en campaña que non faría Alcalde ao "fillo da Cazona". Non temos por que supoñer que os/as votantes de EU sexan parvos e non contemplen os escenarios que iso provoca. A maiores, a opción de EU semella ser a de consultar á súa base, ao contrario das directrices de cúpulas que se dan noutros barrios. E a ese respecto, xa saiu na prensa que o 90% da súa militancia estaba disposta a chegar ás últimas consecuencias da promesa electoral. ¿Alguén votou a EU pensando nun pacto co BNG? Seguramente non.

    3. ¿É mellor un goberno do PP? As opcións do PP para obter a alcaldía son aínda febles. Hai un dito que asegura que o mellor acordo é aquel que deixa ás dúas partes insatisfeitas. Un pacto PP-EU (nesta orde) deixaría ao PP plenamente satisfeito, con catro anos por diante á fronte da Alcaldía, a Deputación e a Xunta (esta última cando menos dous anos máis) e a EU como víctima propicia da capitalización da súa xestión polos populares no 2015. Uns gañarían moito e outros moi pouco. O panorama, ademais, provocaría unha marcha do BNG á oposición. Barcia, un home de 67 anos, tería unha retirada digna da política como candidato máis votado se aproveitase a renovación estrutural que se adiviña no horizonte da Asemblea Nacional do BNG para outono se este decide marchar para casa. E con ese panorama de renovación do BNG, a esquerda real (non nominal) en Mugardos podería volver a sumar 9 concelleiros polo que a Alcaldía para o PP sería efímera e nin sequera podería recorrer ao pranto do "partido máis votado". Polo tanto, unha visión excesivamente curtopracista do seu candidato podería ser a súa pior baza, e a solución EU-PP (tamén nesa orde) moito máis intelixente.

    A esquerda gaña si ou si facendo borrón e conta nova. A esquerda, a transparencia, a participación política, a igualdade social perden se deixamos que o goberno municipal continúe esvarando pola costa do populismo.

    Realmente, todo depende da volta ao camiño da esquerda do BNG, socio natural de EU (non o digo eu só) de non ter un candidato incompatible cos valores esenciais dos seus votantes.

    ResponderEliminar
  17. Sexamos claros: cando falas de rexeneración/renovación da esquerda, queres decir “Barcia fora”. E actuar con este obxetivo é o que leva a EU a facer una política que non é a natural, como ti mesmo recoñeces.
    Aquí non se está a falar nin de ideoloxía, nin de programas, nin de proxectos. Aquí só se fala de persoas. Esto non é política, esto ten outro nome.

    ResponderEliminar
  18. Cando falo de rexeneración da esquerda falo de rexeneración da esquerda. O problema de BNG, PSOE e EU (malia os resultados de Mugardos) van máis alá da situación local.
    No caso do BNG de Mugardos ocórreseme algunha eiva democrática, por exemplo.

    A ideoloxía, a base que debera ser inviolable, deixeina bastante clara (por oposición) no comentario anterior. Pero para quen non quere ver, non hai moito que facerlle.

    ResponderEliminar
  19. Artritris, a democracia costou moitos sacrificios e moitos anos conseguirla, para permitir que alguén veña agora a xogar con ela e prostituila por capricho persoal.
    Hai cousas que non poden facerse por ningún motivo.

    ResponderEliminar
  20. En relación coa penúltima intervención considero que é conveniente e tamén necesario pasar do xenérico ao concreto e facelo , por suposto , con feitos e con argumentos .

    ResponderEliminar
  21. O vindeiro sabado teremos un novo alcalde ou unha nova alcaldesa.Eu penso que e moi dificil, que non imposible, que poida ser alcaldesa Pilar Díaz.Para conseguilo so ten duas opcións: A) Que o PP lle conceda os seu votos,3+4=7.
    B)Que o BNG lle conceda os seus votos:3+4=7.
    Por outro lado, se Juan Domingo se postula como alcalde, si que me parece facil que os tres votos de IU apoien esta investidura.So co obxetivo de evitar un novo goberno do BNG, pero ó mesmo tempo sendo consecuentes co que se dixo na campaña electoral,( non apoiarian un novo goberno do BNG).
    Que goberne o PP en minoria non ten por que ser malo a priori.Estaría obrigado a conseguir acordos puntuais, e diso os nacionalistas saben dabondo, refirome a nivel local, pero tamen a nivel estatal.IU non ten por que rasgar as vestiduras por apoiar a un alcalde do PP, non será a primeira vez que un partido de esquerdas apoie a un candidato dun partido de centro-dereita.

    ResponderEliminar
  22. sorprendeu o desenlace,non?Eu creo que houbo moita xente que non o esperaba, ainda que polo lido hoxe na Voz, parece que existían moitas diferencias programáticas

    ResponderEliminar
  23. Creo que alguien tendría que dar muchas explicaciones de porque Barcia sigue en el gobierno, cuando se prometió que se haría lo imposible porque eso no sucediera.Ahora parece que es mas importante el sacar tajada de un acuerdo que el responder a quien te ha apoyado.

    ResponderEliminar
  24. Resulta cuando menos curioso que se exija responsabilidad a los únicos que tienen sobradamente demostrada su responsabilidad. Del resto, al parecer, como ya no se espera nada, no se les exige nada. Ahora bien, yo he leído la oferta del PP (está publicada en el blog de IU con mucho detalle): parece que Pilar Díaz ha renunciado honradamente (no esperábamos menos) a la "tajada" que a ella personalmente se le ofrecía.

    ResponderEliminar
  25. Unha vez lido o blog de IU, non sei e verdade todo o q pon ahi(e creo non se podera saber)pareceme curioso que EU, con Pilar a cabeza, esgrima q as causas de non chegar a un acordo co PP, como o urbanismo e o a rebaixa nas remuneracions, e enganoso, xa q ese escrito sobre urbanismo q din q non subscribiu o PP, e un escrito que redactou e levou a pleno o PP de mugardos(remitirse as actas dos plenos publicadas). E o dos soldos, a min iso de q Pilar renunciase o soldo pra ela soa, soa moi bonito, pero o q non di e q renunciaba a el pq segun o acordo q ela propuña ia cobrar case o dobre. Ademais quero añadir q Pilar e a unica politica do Concello na anteior lexislatura xunta con Roca, que vive exclusivamente da politica e non se lle coñece traballo. Asi q pra min quen fai da politica un trballo nun concello pequeno coma Mugardos deixa moito q desexar no que se refire. Unha vez analizadas as remuneracins que propon Pilar con esa rebaixa nas comisions, saeme un aforro para o Concello supoñendo que houbera as mesma q no ano 2010, un aforro de arredor de 4200, en comision pero que se veria incrementado polas dedicacions e os numeros de representantes nas comisions, asi que quedarian case igual os custes para o Concello, en definitiva movelas sillas, pero aforro ningun. E unha vez comparadas as proposta e sen fiarme de ningun, creo q non habera entendemento entre IU e PP, mais q nada pq teñen formas de ve-lo pobo moi diferentes.

    ResponderEliminar
  26. Creo que la sensacion generalizada en el pueblo de Mugardos es que se le ha dado el poder a alguien para realizar lo que todos queriamos que era un cambio de gobierno y ahora mismo seguimos igual y totalmente decepcionados, creo que muchos, en los que me incluyo, nos fiamos de las personas, y nos equivocamos al suponer que las dos personas mas preparadas para gobernar el pueblo harian un esfuerzo en ponerse deacuerdo, syo simplemente creia, y es a nivel personal que gobernarian con 7 pp y iu gobernando pp ya que tenia 4 y siendo un gobierno de 7 fuerte y con dos personas preparadas para levantar esto.una pena.

    ResponderEliminar
  27. Seguindo co debate poselectoral hai que dicir que son moitas as voces que circulan polo municipio anunciando que xa se iniciaron as conversacións e negociacións para un acordo a curto prazo entre o BNG e o PSOE en Mugardos , de ser certo dise tamén que todo iso garda relación cos contactos e movementos iniciais realizados por xente próxima ao poder municipal.

    ResponderEliminar
  28. Parece que hai xente que insiste na idea de interpretar a Democracia como e cando lle convén, coma se puidese facelo a medias ou a tempo parcial, pués non, hai que facelo en toda a súa plenitude.

    A condición de demócrata non vén dada polo feito de ser elixido nas urnas ,senón que se adquire no día a día e pola forma de gobernar e exemplos temos máis que suficientes : Hitler , Hugo Chaves, Berlusconi e tamén en Mugardos nestes últimos anos.

    Non hai ningunha Lei que diga que ten que gobernar a lista máis votada, o que si di a Lei Electoral aplicada aos municipios é que de non alcanzar ningunha lista a maioría absoluta en primeira votación, farao a lista máis votada.

    Ou sexa que tan lexítimo e democrático é que en Mugardos vaia gobernar o BNG, coma se o fixera outra opción política de obter os votos suficientes en primeira votación. Non caben máis lecturas nín interpretacións.

    A Democracia, se é o caso , prostitúese coa acción de goberno.

    ResponderEliminar
  29. Nunha primeira lectura da entrevista ao alcalde de Mugardos, publicada onte pola Voz de Galicia, pódese sacar algunha conclusión :

    En primeiro lugar a contradición cando fala dunha “pinza” entre Esquerda Unida e o PP, e logo máis adiante recoñece que o posicionamento de Esquerda Unida foi motivado polas presións da cidadanía.

    Cando pretende facer o exame de conciencia e á vez especie dun propósito de emenda di que intentarán, non que o farán, corrixir aquelas cousas que fixeron mal pero, debe de ser por que foron moitísimas, sen citar ningunha e evitando pronunciarse sobre as formas .

    Finalmente e para curarse en saúde, como se adoita dicir, pon o parche antes que a ferida ademais de facer unha valoración e cualificación peyorativa do dereito e á vez obrigación democrática de exercer a oposición.

    Para rematar e tomando boa nota e exemplo do comentario anterior, non está demais recordar unha vez máis :

    Que a condición de demócrata non se obtén nin da autoproclamación nin tampouco das urnas , obtense día a día no exercicio da acción política sexa desde o goberno ou desde a oposición.

    O anterior pode resultar tamén válido para a condición de esquerdas que non vén dada por pertencer a un determinado grupo ou organización política, porque tamén se adquire desde a coherencia coa práctica e o exercicio duns principios e valores que o goberno municipal do BNG nestes últimos anos non puxo en práctica.

    ResponderEliminar
  30. Do pau que sufriron nas urnas o BNG e o PSOE , os dous partidos que perderon apoio social nas pasadas eleccións municipais no concello de Mugardos , parece ser que xurdiu unha nova fórmula de organización política que, igual que acontece na actividade do negocio empresarial mediante a unión temporal de empresas (UTE) , puidese considerarse, tendo en conta as experiencias e antecedentes da política local do noso municipio, como unha unión temporal de intereses (UTI) , que posiblemente se confirmará nos próximos días.

    ResponderEliminar
  31. Como aclaración ás notas de prensa que se envían desde a alcaldía aos medios de comunicación e neste caso coas relacionadas coa “suposta” dedicación exclusiva, non está demais recordar :

    1.- En principio para renunciar a algo, hai que telo ,e que saibamos a dedicación exclusiva que tiña o alcalde de Mugardos era para o anterior mandato, polo tanto agora mesmo non a ten.

    2.- O alcalde de Mugardos pola súa idade (68 anos) e polos seus anos de cotización como traballador e os 8 últimos pola percepción da dedicación exclusiva vai percibir , se non o fai xa , a correspondente pensión. Motivo polo cal resulta difícil pensar que vai obter o apoio plenario necesario para seguir gozando de devandita percepción económica.

    3.- Ademais do anterior dicir que percibirá as cantidades que fixe o Pleno por asistencia ás reunións dos distintos órganos municipais, Pleno, Xunta de Goberno, Xunta de Portavoces, Mesa de Contratación, etc. e , se é o caso , polas Comisións Informativas .

    ResponderEliminar
  32. Está moi claro o expresado no comentario anterior, posto que si a intención do alcalde sobre a dedicación exclusiva fose certa e polo tanto creible, non me cabe ningunha dúbida de que o anunciaria aos catro ventos na campaña electoral , cousa que non fixo.

    ResponderEliminar
  33. Non está de máis recordar que o pasado 30 de maio , neste mesmo apartado , un bloquero comezaba a súa intervención dicindo :

    “ Cun acordo no que EU dalle o seu apoio ao PP na investidura, os comunistas poden estar seguros de que, co seu voto, algún merca un salario para catro anos..”

    Pois transcorrido non moito tempo pódese afirmar que non acertou no do acordo Esquerda Unida e PP e o seu correspondente salario , pero falando xa de feitos reais, e de pensar da política como o fai dita persoa , puidésemos dicir que o resultado final, con alcaldía do BNG, saíunos moito máis caro aos contribuíntes , polo menos cinco veces máis posto que o resultado final foi de cinco salarios ( seguridade social incluida ) , ou se prefiren dedicacións exclusivas, en lugar dun, distribuídos da seguinte forma :

    2 para o BNG
    1 para o PP
    1 para EU
    1 para o PSOE

    Cabería preguntarse ao final o do título deste apartado , ¿ TODOS CONTENTOS ?

    ResponderEliminar
  34. A min, que asistín a algúns actos electorais das pasadas Eleccións Municipais e que recibín información de tódolos grupos que concorreron ás urnas, resúltame cando menos unha auténtica fraude política, quizais tamén ética, o espectáculo que acaba de comezar co tema das retribucións económicas dos nosos representantes municipais posto que nos seus discursos electorais e programáticos en ningún momento mencionaron o tema das súas asignacións económicas ní tampouco a acción corporativista de autocreación deses 5 postos de traballo ( soldo e seguridade social a cargo do Concello ) baixo a denominación de dedicacións exclusivas.

    Creo que estamos asistindo a un comezo pouco edificante e esperanzador para os que pensamos e cremos na urxente necesidade da rexeneración da vida actividade política, tamén a municipal.

    ResponderEliminar
  35. Segun teño entendido, so hai tres dedicacions exclusivas(BNG, IU e PSOE) e duas parciais (BNG e PP).
    Segundo teño entendido na anterior lexislatura habia unha exclusiva (o alcalde) e duas parciais (BNG e PP).
    En principio parece que isto favorece o BNG, porque o alcalde cobra pension mais a remuneracion do concello(saelle mais caro a administracion que antes)e unha dedicacion exclusiva e unha parcial, e mais a IU e PSOE que conseguen unha dedicacion exclusiva cada un. O PP se queda coma estaba na anterior lexislatura.
    Non entendo onde esta o aforro do que se falou, nin sei porque IU so chega a acordos co BNG só neste punto dos soldos e non en outros puntos, e non entendo as palabras de Pilar dicindo que o PP a queria comprar ofrecendolle un soldo para chegar a un pacto de goberno. Igual Barcia lle ofreceu o soldo para que non pactara co PP.
    Non entendo nada despois do falado en campaña o primeiro que fan e subir os soldos todolos partidos de esquerdas, e cada vez que vas o concello pedir algo dinche que non hay cartos.
    Desexo unha renovacion REAL no goberno do Concello XA. Sinto ter que esperar outros catro anos para poder albiscar algun cambio.

    ResponderEliminar
  36. Ola, intentar razonar con que so quere desprestixiar utilizando a desinformación parece inútil, aínda así farei un último intento. A proposta inicial sobre as retribucións e indemnizacións por asistencia a fixo o Alcalde no marco da xunta de portavoces(donde esta representados todolos grupos municipais). Esta proposta incluía, entre outras cuestións unha adicación para cada grupo municipal da oposición. No acordo do ano 2008 entre BNG e PP, en exclusiva, aparecía unha para o PP e outra para o PSOE por serén os partidos maioritarios, é dicir 3 concelleiros cada un. Os mesmos que nesta corporación ten EU.No ano 2008 estaba ben segundo a dereita, e no ano 2011 está mal segundo a dereita porque inclúe a EU, olvindándose incluso do criterio que explicaba o do ano 2008 (partidos maioritarios).É o PSOE un partido mairoritario nesta corporación? Por qué a dereita non sostivo o mesmo criterio, será porque non afecta a EU?
    Aclarar que tódolos grupos municipais incluían na súa proposta unha adicación para cada grupo municipal, eso sí con retribucións diferentes ás actuais.Quizás aquí, amigo da dereita ben informado, nos podas explicar a proposta de cada grupo e o por qué apareceron as adicacións exclusivas, eso si coa mesma percepción económica que as parciais, que como ben sabes permiten compatibilizar outro traballo reumunerado.Por certo,para seguir coas retribucións nos poderías explicar a primeira designación do PP, o día 7 de xullo e a segunda o día 13 de xullo, e cal é a razón de que o PP teña dous representantes en cada comisión informativa (o resto de grupos municipais teñen 1, salvo o BNG que ten dous pola presencia do Alcalde)si so pode votar un.
    A proposta negociadora do PP, como ben sabes, só contemplaba a adicación para a portavoz de EU, non contemplaba no papel, claro está ás do P.P. nin a súa cuantía.Parece unha diferencia notable, non che parece.
    É unha pena que a dereita non entendera antes do pleno de constitución que ofrecendo un euro máis que o BNG á portavoz de EU xa tería alcalde porque con todo o aforro que faí o grupo municipal do PP xa teríamos austeridade.Me entendes, non?

    ResponderEliminar
  37. Sinto dicir a señora pilar, que nin son de dereitas nin o penso, fun un dos seus votantes nas anteriores eleccions, pero so analicei a informacion xurdida nos blogs dos diferentes partidos. Se cree que a desprestixiei coa miña analise sinto pero non era a miña intencion. Pero ten que asumir que foi xunta co PSOE e o Alcalde, os mais beneficiados nesta reforma dos salarios. E non e o que a min me parezca, e o que aparece nas suas informacions.
    E respecto a renovacion, vostede dixo en campaña que faria todo o posible para facer un cambio de goberno en Mugardos, o cal sigue sendo o mesmo. Ben sexa por presions do exterior (o cal me parece mal o antepoñer o partido a Mugardos) ou por incompatibilidade co PP(en princio a una condicion que puxo era sel alcaldesa). O que importa e que incumpliu a sua palabra de CAMBIO.
    Por certo, sinto se lle ofenderon as miñas palabras pero non era a miña intencion.

    ResponderEliminar