10/01/08

El tamén é mugardés



Xa vos tardaba, non o neguedes :)

"Num buraquinho da parede lá de casa,
tinha um grilinho que fazia cri cri.
Minha mulher gostava muito d'ouvir,
a cantiga do grilo e não me deixava dormir."

(Soa de fondo O Grilinho de Quim Barreiros)

07/01/08

I Campionato Mundial de Rondas Mugardesas



Rematou o Nadal 2007-08 e con el a saúde das miñas cordas vocais, pero pagou a pena. O I Campionato Mundial de Rondas Mugardesas foi un éxito de participación e ambiente bo-rollo (malia que menda caeu en primeira rolda). Os Porteritos, reclutados no último suspiro do plazo de inscrición, foron finalmente os gañadores. Os siareiros reclaman unha pronta re-edición do Campionato e o ruxe-ruxe apunta ás vésperas de Semana Santa. No flickr colguei a reportaxe gráfica do evento, por se gostades :)

03/01/08

E o Rei do Ránking das Rondas é...



¡¡¡O' Trope!!!

Pablo, Gemi e Roberto xa son os gañadores dun xogo de camisolas personalizadas e acreditativas do galardón.

Ben, e agora explícovos: o sábado 5, ás 20:30 (uséxase, á hora das rondiñas previas a saír guapos pola noite) celebraremos o Campionato Mundial de Rondas Mugardesas no local campión, sito onde todo o mundo debería saber a estas alturas. Dende as 20:30 ata as 21:00 poderán inscribirse tódalas parellas que queiran participar. Extraerán un número dun receptáculo opaco que lles asignará o primeiro emparellamento. Dende as 21:00 comezarán As Rondas Mugardesas aos dados (póker ao mellor de tres palotes e o que perda paga, claro).
Para a parella que saia gañadora haberá unha camisola (para cada membro) que os acredite como campións do Ránking das Rondas. Recibirán tamén unhas camisolas de deseño exclusivo mugardés (a escoller entre varios modelos por cortesía dun menda lerenda). E sobre todo... terán consumido catro rondas pola cara!!!

E se non vos quedou totalmente claro, velaí o cadro de eliminatorias:



NOTA: o Campionato non establece que consumicións teñen que ser xogadas, polo que a decisión recaerá nas parellas contrincantes ao comezo de cada ronda. Calquera outra dúbida, facédea nos comentarios.

Alea jacta est.